Of Mice and Men

Blurb

Ang Of Mice and Men, literal na "ng mga daga at mga lalaki" o "ng mga daga at mga tao", ay isang novella o nobeleta na isinulat ni John Steinbeck, isang may-akdang nagwagi ng Premyong Nobel sa Panitikan. Nailathala noong 1937, isinalaysay nito ang isang kalunus-lunos na kuwento hinggil kina George Milton at Lennie Small, dalawang nasisanteng mga manggagawang migrante sa isang rantso noong panahon ng Matinding Depresyon sa Kaliporniya, Estados Unidos.
Batay sa sariling mga karanasan ni Steinbeck bilang isang palaboy noong dekada ng 1920, ang pamagat ay kinuha mula sa tula ni Robert Burns na "To a Mouse", na mababasang nagsasabi ng ganito sa wikang Ingles: "The best laid schemes o' mice an' men / Gang aft agley" na may diwang "The best laid schemes of mice and men / Often go awry", na may ibig sabihing "Ang pinaka mahuhusay na nailatag na mga balakin ng mga daga at kalalakihan / [ay] madalas na nagiging hindi maayos".